Տավուշ գնալու ճանապարհին կանգ առանք Սևանավանքում և Սևանի թերակղզում հետո հասնելով Տավուշ մենք շարժվեցինք դեպի Ջուղտակ վանք, բայց ճանապարհը չգտնելով որոշեցինք ետ իջնել սարից։Իջանք և շարժվեցինք դեպի հյուրատուն։Մի քիչ հանգստանալուց հետո այցելեցինք Իջևանի գինու և կոնյակի գործարան։ Այնտեղ մենք ծանոթացանք գործարանի պատմությանը, տեսանք թե ինչպես են արտադրվում գինիները և կոնյակները։
Երեկոյան այցելեցինք Դենդրո պարկ, շրջեցինք այգով և վերադարձանք հյուրատուն որտեղ մինչ ուշ գիշեր խաղեր խաղացինք։Երկրորդ օրը այցելեցինք քարի արտադրամաս, որտեղ ծանոթացանք քարերի մշակման գործընթացին, մասնակից եղանք քարերի կտրմանը և քանդակմանը։ Նաև շրջեցինք գործարանի բակով ՝ որտեղ ամեն ինչ շատ գեղեցիկ էր։Այնուհետև գնացինք Իջևանի ԵՊՀ-ի մասնաճյուղ որտեղ մասնակցեցինք կոնֆերանսի։ Երբ մենք դուրս եկանք կոնֆերանսից ունեցանք ևս մեկ հանդիպում զբոսաշրջության վերաբարյալ, և պահպանեցինք հետագա կապը մեր և ԵՊՀ-ի հետ։ԵՊՀ շրջայցից հետո գնացինք “Արևիկ սոցիալ-կրթական կենտրոն”։Իսկ երեկոյան գնացինք քաղաքում շրջելու։ Ընկերներիս հետ անցկացրի հրաշալի երեկո և վայելեցի իջևանյան բնությունը։Գիշերը ևս խաղացինք խաղեր, ուրախացանք և գնացեինք քնելու լուսադեմին։Իսկ երրորդ օրը վերջինն էր Տավուշում, ոչ ոք չէր ուզում վերադառնալ։